BAÑO DE BOSQUE EN PARADA DE SIL

O Baño de Bosque, ou Shinrin-yoku en xaponés, é unha práctica moi saudable que consiste en entrar en contacto co bosque, coa natureza, dunha forma atenta, relaxada e consciente que nos proporciona unha mellora na nosa saúde e aumenta a sensación de calma e felicidade.
Non é sendeirismo nin paseo naturalístico, tampouco camiñar pola natureza sen máis; o baño de bosque implica unha intención e actitude que lle son propias, destinadas a conectarte con ese espazo a través dos sentidos e así entrar en harmonía coa natureza e coa nosa propia esencia.